“Qartal” tikinti firmasında SDU və Türkiyə Təhsil Nazirliyinin nümayəndə heyəti ilə görüş keçirilib. Bu barədə Sumqayıt24 26 iyul tarixində Dünya TV-yə istinadən xəbər verir.
Sumqayıt Dövlət Universitetində innovasiya və yaradıcılıq mərkəzinin yaradılması məqsədilə təşkil olunan tədbir firmanın akt zalında baş tutub. Öncə şirkətin direktoru Şahin Məmmədov şirkət haqqında qonaqlara məlumat verib. Daha sonra çıxış edən Təhsil Nazirliyinin nümayəndəsi, beynəlxalq mentor Hakan Özkaynak səmimi qəbula görə təşəkkürünü bildirib. O, Türkiyədə fəaliyyət göstərən texnoparklar haqqında məlumat verib. Görüşdə şirkət tərəfindən istedadlı gənclərə hər zaman dəstək göstərildiyi diqqətə çatdırılıb. Çıxışlardan sonra firmanın prezentasiyasına, Laçın haqqında hazırlanan videoreportaja və digər videoçarxlara baxılıb. Tədbir diskussiya şəklində davam etdirilib.
