SDU-nun 60 illik yubileyinə həsr olunmuş “Şəxsi inkişaf üçün ali təhsil labüddür” mövzusunda debat-natiqlik turniri başa çatıb. Bu haqda bu gün, 15 aprel tarixində universitetin saytına istinadən xəbər veririk.
Debat Forumunda 36 komanda iştirak edib. Riyaziyyat fakültəsinin “Albatros” və Tarix və coğrafiya fakültəsinin “Yeah Team” komandaları finala vəsiqə qazanıblar. Finalda “Yeah Team” komandası qalib gəlib.
Sonda qalib komandaya kubok və medal, ən yaxşı natiqlərə medal, bütün iştirakçılara isə sertifikatlar təqdim edilib.
Debat Vətəndaş Cəmiyyətinin sədri Ülviyyə Axundova, Tarix və coğrafiya fakültəsinin dekanı professor Adil Baxşəliyev, Tələbə Gənclər Təşkilatının sədri Tayfun Hacılı debat mədəniyyətinin gənclərin dil qabiliyyətinin artırılmasında, natiqliyinin zənginləşməsində, gələcək peşə fəaliyyətlərində və eləcə də bir şəxsiyyət kimi formalaşmasında mühüm rol oynadığını bildiriblər.
