Sumqayıt Dövlət Universitetinin bir qrup əməkdaşı Şuşa şəhərinə səfər edib. Bu haqda bu gün, 11 iyun tarixində Sumqayıt24 universitetin saytına istinadən xəbər verir.
3-cü Beynəlxalq Qarabağ “Sosial və humanitar elmlərdə müasir araşdırmalar” konfransının proqramına uyğun olaraq səfər ediblər. Məqsəd Ermənistan tərəfindən işğal dövründə törədilmiş dağıntı və vandalizmin nəticələrini görmək, işğaldan azad edilmiş torpaqlarda hazırda görülən abadlıq-quruculuq işləri ilə tanış olmaqdır.
Təməli 1752-ci ildə Qarabağ xanı Pənahəli xan tərəfindən qoyulan və bu il 270 illiyi qeyd olunacaq Şuşa şəhərində SDU-nun Tarix və coğrafiya fakültəsinin dekanı professor Adil Baxşəliyev, Fizika və elektroenergetika fakültəsinin dekanı dosent Tamella Əhmədova, Filologiya fakültəsinin dekanı dosent Sevinc Həmzəyeva, həmçinin Azərbaycan və xarici ölkələr ədəbiyyatı kafedrasının dosenti Arzu Hüseynova olublar.
