Sumqayıt Dövlət Universitetinin əməkdaşı TKTA-nın təlimlərini uğurla başa vurub. Bu haqda 10 oktyabr tarixində Sumqayıt24 xəbər verir.
Söhbət ali təhsil müəssisəsinin Dünya iqtisadiyyatı və marketinq kafedrasının baş müəllimi Nihad Hüseynovdan gedir. O, Təhsildə Keyfiyyət Təminatı Agentliyinin (TKTA) təhsil müəssisələrini və təhsil proqramlarının akkreditasiya qiymətləndirilməsi məqsədilə yaradılan ekspert bankına peşəkarların cəlb edilməsi üçün təşkil olunan kursların sertifikatlarına layiq görülüb.
Universitetimizin əməkdaşı Nihad Hüseynov hər biri birhəftəlik müddətinə təşkil olunan, müvafiq olaraq keyfiyyət təminatının qiymətləndirilməsi üzrə ekspert təliminin “Daxili keyfiyyət təminatı mexanizmləri”, “Xarici keyfiyyət təminatı”, “ATM-lərin akkreditasiyası üzrə qiymətləndirmə meyarları”na dair təlimləri müvəffəqiyyətlə başa vuraraq hər üç modul üzrə sertifikat qazanıb.
