Sumqayıt Dövlət Universitetində (SDU) 31 Dekabr - Dünya Azərbaycanlılarının Həmrəyliyi Günü və Yeni il bayramı münasibətilə tədbir keçirilib. Bu barədə 28 dekabr tarixində Sumqayıt24 xəbər verir.
Tədbir "ON1000” proqramı çərçivəsində Tələbə Gənclər Təşkilatı (SDU TGT) tərəfindən təşkil olunub. Kimya və Biologiya fakültəsinin dekanı, dosent Mahal Muradov tələbələri bayramlar münasibətilə təbrik edib və şənliyi açıq elan edib. Ardınca tələbə İlahə Zərbalayeva “Azərbaycan” mahnısını səsləndirib.
Daha sonra tələbələrə suallar verilib. TGT-nin universitet üzrə sədr müavini Məleykə Xankişiyeva düzgün cavab verənlərə hədiyyələr təqdim edib. Həmçinin tələbələrin hazırladıqları səhnəcik təqdim olunub. Sonda isə "Biz mehriban ailəyik" mahnısı ilə tədbir yekunlaşıb.
