Sumqayıt Dövlət Universitetinin kollektivi Dram Teatrında olub. Bu haqda 11 noyabr tarixində Sumqayıt24 xəbər verir.
Onlar Zəfər Günü münasibətilə təşkil olunmuş "Missiya" tamaşasını izləyiblər. Tamaşanın süjetinə görə, Şuşa fatehlərindən olan XTD-nin zabiti Mübariz Eyvazov komaya düşür və ruhlar aləmində 1992-ci ildə Şuşa ətrafında şəhid olan atası ilə görüşür. Mübariz komadan ayılarkən Prezident İlham Əliyevin "Əziz Şuşa, sən azadsan!" səsini və küçədəki sevinc nidalarını eşidir.
İdeya müəllifi və layihə rəhbəri Əməkdar artist Mübariz Həmidov olan “Missiya” dramının müəllifi Hafiz Ataxanlı, quruluşçu rejissoru Xalq artisti Firudin Məhərrəmov, quruluşçu rəssamı Elşən Sərxanoğludur.
