Sumqayıt Dövlət Universitetinin əməkdaşları beynəlxalq təlimdə iştirak ediblər. Sumqayıt24 bu haqda universitetin saytına istinadən xəbər verir.
Beynəlxalq ikili diplom proqramları üzrə olan təlim Təhsil Nazirliyinin birgə təşkilatçılığı ilə Avropa Komissiyasının “TAIEX” (Texniki Yardım və İnformasiya Mübadiləsi) proqramı çərçivəsində keçirilib.
Burada Təhsil Nazirliyinin Beynəlxalq əməkdaşlıq şöbəsinin müdiri Tural Əhmədov, nazirin müşaviri Nicat Məmmədli, Azərbaycan ali təhsil müəssisələrinin nümayəndələri, həmçinin İspaniyadan Beynəlxalq Əlaqələr və beynəlxalq layihələr üzrə milli və Avropa Universitetləri eksperti Eva Qarea Oya və Leon Universitetinin Beynəlmiləlləşmə Xidmətinin direktoru Rafael de Paz Uruena da iştirak ediblər.
Qeyd edək ki, SDU-dan təlimə Beynəlxalq Əməkdaşlıq və Əcnəbi tələbələr şöbəsinin müdiri Sədaqət Fətullayeva və Keyfiyyət Təminatı Şöbəsinin müdiri Nərmin Həsənova qatılıblar.
