Sumqayıt Dövlət Universitetinin (SDU) prorektoru vəzifəsindən azad olunub. Sumqayıt24 bu haqda 20 oktyabr tarixində Report.az-a istinadən xəbər verir.
Qafar Atayev özü ərizə yazaraq vəzifəsini dəyişib. O, ixtisasca mühəndis olduğu üçün bundan sonra fəaliyyətini Mühəndislik fakültəsində müəllim kimi davam etdirəcək
Qeyd edək ki, Qafar Atayev 3 sentyabr 1960-cı ildə Salyan rayonunun Yenikənd kəndində anadan olub. 2014-cü il yanvar ayının 16-da SDU-nun Qiyabi, distant və əlavə təhsil üzrə prorektoru olub. 18 iyun 2019-cu ildə Beynəlxalq əlaqələr üzrə prorektor vəzifəsinə təyin edilib. 2002-ci ildə namizədlik dissertasiyasını müdafiə edərək fizika-riyaziyyat elmləri namizədi adına, 2016-cı ildə isə dosent elmi adına layiq görülüb.
Atayev 30-dan çox elmi məqalənin, 2 dərs vəsaitinin və 3 tədris-metodik göstərişin müəllifidir.
