Sumqayıt Dövlət Universitetinin tələbələri beynəlxalq olimpiadada uğurla çıxış ediblər. Sumqayıt24 bu haqda universitetin saytına istinadən xəbər verir.
Belə ki, Mühəndislik fakültəsinin 625-ci qrup tələbələri - Qüdrət Ağazadə, Əli Həsənli, Ceyran Məmmədova və Pərviz Həsənov Ufa Dövlət Neft Texniki Universitetinin təşkil etdiyi “Texniki sistemlərin avtomatlaşdırılması” adlı V Beynəlxalq olimpiadada iştirak ediblər.
Nəticələrə əsasən, I mərhələdə Qüdrət Ağazadə fərdi formada iki bölmədə - texnoloji proseslərin avtomatlaşdırılmasının əsasları və ölçmənin metroloji təminatı üzrə 3-cü yerə layiq görülüb. II mərhələ üzrə isə SDU-nun komandası “Məntiqi qurğuların sintezi klassik təqdimat proseduru” nominasiyası üzrə qalib olub.
Qeyd edək ki, mükafatlandırma tədbirinə onlayn formatda qoşulan komandamızın sertifikat və mükafatlarının universitetə göndəriləcəyi bildirilib.
