SDU-nun tələbələri AMEA-nın Zoologiya İnstitutunda ekspedisiyada olublar. Sumqayıt24 bu haqda bu gün, 27 aprel tarixində universitetin saytına istinadən xəbər verir.
Məlumata əsasən, Kimya və biologiya fakültəsinin Biologiya ixtisası üzrə II kurs 338-ci qrup tələbələri ekskursiyada iştirak ediblər. Tədbir zamanı gənclər institutun Zooloji muzeyi və “Quru onurğasızları” laboratoriyasında olublar.
Muzeyin direktoru biol.ü.f.d., dos. Səbinə Bünyatova tələbələrlə görüşərək muzey haqında ətraflı məlumat verib. Həmçinin o, nəşr olunacaq “Qırmızı kitab” və institutun qoşulduğu beynəlxalq layihələr haqqında tələbələri məlumatlandırıb.
