SDU-nun bir qrup müəllim və tələbə heyəti Hərbi Qənimətlər Parkında olub. Sumqayıt24 bu barədə 21 oktyabr tarixində təhsil müəssisəsinə istinadən xəbər verir.
Zəfər Günü ərəfəsində Fizika və elektroenergetika fakültəsinin bir qrup müəllim və tələbə heyəti qələbəmizin ildönümü münasibətilə Hərbi Qənimətlər Parkını ziyarət edib. Tələbələr Vətən müharibəsi zamanı düşməndən qənimət götürülən hərbi texnika, ermənilərin qoyub qaçdığı atıcı silahlar, ağır texnikalar, raket kompleksləri, hərbi nəqliyyat və digər sursatlarla yaxından tanış olublar.
