Sumqayıt Dövlət Universitetinin (SDU) tələbələri mühüm uğura imza atıblar.
Sumqayit24.az xəbər verir ki, ali təhsil müəssisəsinin Mühəndislik fakültəsinin III kurs tələbələri Amin Nəcəfli və Əli Hacıyev beynəlxalq “Professionals” bacarıqlar çempionatında yüksək nəticə göstərərək 2-ci yerə layiq görülüblər.
Müxtəlif ölkələrin komandalarının qatıldığı çempionatda aparılan gərgin rəqabətdə Amin Nəcəfli həm WEB texnologiyaları üzrə komanda kateqoriyasında, həm də beynəlxalq kateqoriya üzrə II yerin qalibi olub. Əli Hacıyev isə beynəlxalq kateqoriya üzrə II yeri qazanaraq yarışmada uğurla fərqlənib.
Qeyd edək ki, nüfuzlu yarış Rusiyanın Nijni Novqorod şəhərində keçirilib.
