Azərbaycan Tələbə Gənclər Təşkilatları İttifaqının (ATGTİ) VI Hesabat-seçki Konfransı keçirilib. Bu barədə 23 dekabr tarixində Sumqayıt Dövlət Universitetinə istinadən xəbər veririk.
Tədbir Bakı Gənclər Mərkəzində təşkil olunub. İlk növbədə ATGTİ-nin sədri Pərviz Mirələmli özündə 2020-2022-ci illərdə görülən işləri əks etdirən hesabatla çıxış edib. Ardınca iki illik yekun fəaliyyətlər haqda videoçarx izlənilib.
Konfransın rəsmi hissəsindən sonra növbəti iki il ərzində Tələbə Gənclər Təşkilatının sədri və idarə heyətinin üzvləri seçiliblər. Səs çoxluğu ilə SDU TGT sədri Elmin Novruzlu ATGTİ idarə heyəti üzvlüyünə seçilib.
