Sumqayıt Dövlət Universitetinin bir qrup müəllimi mükafatlandırılıb. Sumqayıt24 bu haqda 26 iyul tarixində Sdu.edu.az-a istinadən xəbər verir.
Ötən tədris ilində universitetin əməkdaşları üçün ingilis dili kursları təşkil olunmuşdur. Məşğələləri səmərəli aparan və təhsil ocağının ictimai həyatında fəal iştirak edən Xarici dillər kafedrasının müəllimləri rektor, professor Elxan Hüseynov tərəfindən Fəxri fərmanlarla təltif olunublar.
