Opera studiyasında Sumqayıt Dövlət Universitetinin (SDU) 60 illik yubileyi qeyd edilib. Bu haqda 10 dekabr tarixində Sumqayıt24 xəbər verir.
Tədbir Azərbaycan Dövlət Pedaqoji Universiteti (ADPU) və Bakı Musiqi Akademiyası (BMA) Tələbə Gənclər Təşkilatları (TGT) tərəfindən təşkil olunub. Burada ADPU-nun Tədbirlərin təşkili və Tələbələrlə iş şöbəsinin müdiri Turan Kərimli, Nərimanov və Nəsimi rayon Gənclər və İdman İdarələrinin rəisləri, Səbail rayon Gənclər və İdman İdarəsinin əməkdaşı, Azərbaycan TGT İttifaqının (ATGTİ) əməkdaşları, BMA və SDU TGT-nin sədrləri, bir sıra universitet və kolleclərin təşkilat sədrləri və 750-dən çox tələbə iştirak ediblər.
ADPU TGT-nin "Buta" instrumental musiqi ansamblının təqdimatında "Sumqayıt", "Heyratı", "Qarabağ inciləri", "Xudayar təsnifi", "Azərbaycan", "İncə bellim" və "Gilavar" mahnıları ifa olunmuş, BMA tələbələri tərəfindən "Oxu tar", "Komdenin arzuları", "Ana", "Mən səni araram" "3-cü prelud", "Parafraz", "Skretso", "I will survive" musiqi nömrələri səslənmiş, ADPU TGT-nin "İnci" rəqs qrupunun təqdimatında xalq rəqsi nümayiş olunub.
Tədbir "Buta" instrumental musiqi ansamblının "Şur rəngi" mahnısının ifası ilə yekunlaşıb.
