SDU-da millət vəkilləri ilə tələbələrin “Azərbaycanda qadın və gənclər siyasəti” mövzusunda görüşü keçirilib. Bu haqda Sumqayıt24 bu gün, 2 mart tarixində universitet saytına istinadən xəbər verir.
Görüşdə millət vəkili, Milli Məclisin Ailə, Qadın və Uşaq Məsələləri üzrə Komitəsinin sədri Hicran Hüseynova və millət vəkili Emin Hacıyev iştirak ediblər. Onlar cəmiyyət, gənclər siyasəti, ailə və qadın problemlərinin həlli istiqamətində həyata keçirilən tədbirlər barədə müzakirə aparılıb.
Millət vəkilləri tələbələrlə müxtəlif mövzularda fikir mübadiləsi apararaq onları maraqlandıran sualları cavablandırdılar.
