Bu gün bir sıra sosial media platformalarında guya 44 saylı Sumqayıt üçüncü Seçki Dairəsinin 21 saylı məntəqəsində növbədənkənar prezident seçkiləri ilə bağlı qutuya bülletenlərin topa şəklində atılmasını əks etdirən video yayılıb. Sumqayıt24 bu haqda 7 fevral tarixində xəbər verir.
Medianın İnkişafı Agentliyi və Xüsusi Rabitə və İnformasiya Təhlükəsizliyi Dövlət Xidməti məsələyə aydınlıq gətirib:
“Bildiririk ki, qeyd olunan video manipulyasiya məqsədilə hazırlanıb və reallığı əks etdirməyən saxta məlumatdır. Araşdırmalar zamanı bu videonun 2019-cu il sentyabrın 8-də başqa bir ölkədə çəkildiyi müəyyən edilib.
Qeyd olunan saxta hesabların mənbəyi barədə müvafiq tədbirlərin görülməsi təmin edilməkdədir”.
