Sumqayıtda tanınmış şair-publisist Fuad İslamoğlunun “Qisasımız qiyamətə qalmadı” kitabının təqdimatı və imza günü keçirilib. Bu haqda 8 mart tarixində Sumqayıt24 xəbər verir.
Heydər Əliyev Mərkəzində təşkil olunan tədbirdə şəhər ziyalıları, rəsmi şəxslər, şəhid ailələrinin üzvləri, qazilər, ictimaiyyət və mətbuat nümayəndələri iştirak ediblər. Dövlət Himninin səsləndirilməsi ilə başlayan yığıncaqda müəllifin ədəbiyyatımıza növbəti ərməğanı olan “Qisasımız qiyamətə qalmadı” adlı şeirlər toplusu oxuculara təqdim edilib. Eyni zamanda şeirlər toplusunda yurd sevgisi, xalqa, dövlətə, dosta, qohuma sədaqət, ülvi məhəbbət mövzularında şeirlərə, ağsaqqal tövsiyələrinə və təmsillərə də geniş yer verilib. Tədbirdə şairin yeni kitabda yer almış müxtəlif dövrlərdə yazdığı şeirləri səsləndirilib.
Sonda şairin oxucularla, o cümlədən şəhid ailələri və qazilərlə səmimi söhbəti baş tutub və fikir mübadiləsi aparılıb.
