Sumqayıtda evə silahlı hücum edərək qətl törətməkdə təqsirləndirilən Müşviq Tağıyevin yeni kamera görüntüləri üzə çıxıb. Bu haqda 31 oktyabr tarixində Sumqayıt24 xəbər verir.
Xəbər verdiyimiz kimi, hadisə oktyabrın 28-də Corat bağları yaşayış massivində baş verib. Basqın zamanı 2 nəfər – Susana Karakaş və Dağbəyi Fərəcov oldürülüb, Tərlan Fərəcova, Serkan Karakaş, Etibar Sarıyev və Mehman Sarıyev isə xəsarət alıblar.
Qeyd edək ki, M. Tağıyev Cinayət Məcəlləsinin “xüsusi amansızlıqla və ümumi təhlükəli üsulla iki şəxsi öldürmə”, “xüsusi amansızlıqla və ümumi təhlükəli üsulla ictimai borcunu yerinə yetirən iki şəxsi öldürməyə cəhd”, “külli miqdarda ziyan vurmaqla – yandırmaqla və partlatmaqla əmlakı qəsdən məhv etməyə cəhd” və “qanunsuz olaraq partlayıcı qurğuları hazırlama” maddələri ilə təqsirləndirilib. Onun barəsində həbs qətimkan tədbiri seçilib.
