Nəriman Nərimanov adına Mədəniyyət Mərkəzinin Şəhər mədəniyyət evi “Vətən mənə oğul deyir” adlı bayram konsertini keçirib. Sumqayıt24 bu haqda Regional Mədəniyyət İdarəsinə istinadən xəbər verir.
Azərbaycan Silahlı Qüvvələrinin yaranması gününə həsr olunan şənlik Yaşmada yerləşən “N” saylı hərbi hissədə təşkil olunub. Aparıcılar ordumuzun tarixindən, 2020-ci ildə II Vətən müharibəsi zamanı göstərdiyi qəhrəmanlıqlardan danışıblar.
Daha sonra Mədəniyyət evinin əməkdaşları olan müğənnilər Zaur Yusifli, Elvin Məmmədli, Əlipaşa Paşayev, Əvəz Səlimov, “Veteranlar“ xalq xoru vətənpərvər ruhlu mahnılar, Sveta Aslanova isə hind mahnısı ilə hərbiçilər qarşısında çıxış ediblər.
Sonda hərbi hissə komandanlığı Şəhər Mədəniyyət evinin rəhbəri və kollektivin üzvlərini Fəxri fərmanla təltif edib.
