Son günlər yağan yağışların Ceyranbatan su anbarına mənfi təsirinin olub-olmaması barədə rəsmi açıqlama verilib. Sumqayıt24 bu haqda Trend.az-a istinadən xəbər verir.
“Azərsu” ASC-nin Texnoloji proseslərə nəzarət, suyun təhlükəsizliyi və ekologiya şöbəsinin rəisi Cəmil Babayevin sözlərinə görə, Sumqayıt sakinlərini su ilə təmin edən anbar yağıntılara görə çirklənə bilməz.
“Ceyranbatan anbarı Taxtakörpü su anbarından gələn su ilə qidalanır. Yalnız güclü küləklər nəticəsində xam suyun bulanıqlıq və bakterioloji göstəriciləri dəyişə bilər. Ancaq su emal olunduqdan sonra heç bir təhlükə kəsb etmir", - deyə Babayev qeyd edib.
