Magistratura səviyyəsinə qəbul olan tələbələr üçün təhsil tələbə krediti növündən asılı olaraq bal tələbləri dəyişir.
Belə ki, standart növ təhsil tələbə krediti üzrə minimum bal həddi 50, xüsusi qabiliyyət tələb edən ixtisaslarda isə 30 bal nəzərdə tutulur.
Modern.az mövzu bağlı Tələbə Təhsil Krediti Fonduna sorğu göndərib.
Qurumdan bildirilib ki, sosial növ tələbə kreditində heç bir bal tələbi yoxdur, burada tələbənin və ya valideynin sosial statusu əsas götürülür.
Əlavə olaraq qeyd edilib ki, əgər tələbə sosial meyarlara cavab vermirsə, o zaman standart kreditə müraciət etməklə 50 bal (30 bal) tələbinə uyğun gəlməlidir.
