Sumqayıtda Sosial Xidmətlər Agentliyinin sədri Vüqar Behbudov sakinlərlə görüşüb. Bu haqda Sumqayıt24 25 iyul tarixində agentliyə istinadən məlumat verir.
Qəbulda Sumqayıt şəhəri və Abşeron rayonunun sakinləri iştirak ediblər. Görüş zamanı müraciət edən 30-dan çox vətəndaş imtiyazlı şəxslərin mənzil, avtomobil təminatı, səyyar sosial xidmətin təşkili, sanatoriya-kurort yollayışları ilə təminat, şəhid ailə üzvünün vəsiqəsi ilə təmin edilmə kimi məsələlərlə bağlı müraciətlərini bildirib. V.Behbudov məsələlərin həlli istiqamətində müvafiq tapşırıqlarını verib.
