Sumqayıt Tibb Mərkəzinin (STM) direktoru Elnur Azadxanov vətəndaş qəbulu keçirib.
Sumqayit24.az xəbər verir ki, STM-in aidiyyəti struktur bölmələrinin rəhbərlərinin də iştirak etdiyi görüşdə 20 vətəndaşın müraciətinə baxılıb.
Müayinə, müalicə, işlə təmin olunma və digər məsələləri əhatə edən müraciətlər dinlənilib və bir sıra məsələlər yerində həll edilib.
Digər müraciətlərin araşdırılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.
