"STP Global Cable” MMC-yə inzibati xəta protokolu yazılıb. Bu haqda 7 mart tarixində Sumqayıt24 Fed.az-a istinadən məlumat verir.
İqtisadi fəaliyyət qaydaları əleyhinə olan (Valyuta tənzimi qaydalarının pozulması) sənəd İnzibati Xətalar Məcəlləsinin 430.4-cü maddəsi ilə irəli sürülüb.
Maddəyə görə, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10 faizindən 20 faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilirlər.
İş Sumqayıt Şəhər Məhkəməsində Samir İsmayılovun icraatındadır. Məhkəmə ilə əlaqəli baxış iclası martın 19-u saat 16:30-a təyin edilib.
