Sumqayıt Texnologiyalar Parkının nümayəndələri Azərbaycan Memarlıq və İnşaat Universitetinin müəllim və tələbələri ilə görüşüblər. Sumqayıt24 bu haqda Azmiu.edu.az-a istinadən xəbər verir.
Tədbirdə Sumqayıt Texnologiyalar Parkının əməkdaşları Namiq Nağıyev, Ruslan Kərimduxt və Kamran Niftəliyev iştirak ediblər. Giriş sözü ilə iştirakçıları salamlayan AzMİU-nun Təcrübə və karyera mərkəzinin direktoru Xanlar Qəniyev istehsalat müəssisələrinin nümayəndələri ilə keçirilən görüşlərin universitet və müəssisələr arasında əməkdaşlığın qurulmasında mühüm rolundan danışıb. AzMİU ilə STP arasında əməkdaşlığın qurulmasının hər iki tərəf üçün faydalı olacağı diqqətə çatdırılıb.
Qeyd edək ki, N.Nağıyev tələbələr arasında STP-nin www.internstp.com saytına daxil olmaqla “Ölkəmizi necə tanıyırıq?” mövzusunda müsabiqə keçirib. Müsabiqədə yüksək nəticə göstərən tələbələr şirkətin məhsulları ilə mükafatlandırılıb.
