“SUMbuilders” komandasının üzvü Nigar Nəsib “FLEX” proqramının qalibi olub. Sumqayıt24 bu barədə 24 avqust tarixində sosial şəbəkələrə istinadən xəbər verir.
Nigar Nəsib məktəb təhsilində müvəffəqiyyətli olduğu kimi, robototexnika və mühəndislik sahəsində də nailiyyətlər əldə edib. Məsələn 2 ay müddətində sıfırdan 3D dizayn və 3D texnologiyası üzrə bacarıqlara yiyələnərək “Teknofest”-in finalında ilk 10-luqda yer alan “SUMbuilders 11” komandasında, həmçinin “INTOC” beynəlxalq elm-texnologiya layihələri müsabiqəsində 1000+ komanda arasında 3-cü yeri qazanan “SUMbuilders || IFA” komandasında fəaliyyət göstərmişdir.
Qeyd edək ki, ABŞ tərəfindən maliyyələşdirilən “FLEX” proqramına hər il 30 minə yaxın şagird müraciət etsə də, onlardan yalnız 800-900 nəfər seçilir. Bu proqram vasitəsilə şagirdlər ABŞ-da bir təhsil ili müddətində qalıb öz biliklərini artıra bilirlər.
