Sumqayıtın “SUMbuilders” texnoloji komandasının mentorluq etdiyi layihələr qalib olub. Bu haqda komandanın rəsmi Facebook səhifəsinə istinadən xəbər veririk.
Komandanın dəstək olduğu 5 layihə “Sabahın alimləri” XI respublika müsabiqəsinin finalında uğurla iştirak edib. Bu layihələri təqdim edirik:
- Mətin Həbibov (Sumqayıt şəhər Texniki və təbiət elmləri liseyi) və Nəsib Həbibovun (Əliquluuşağı kənd məktəbi) hazırladığı “Çoxfunksional nəzarətçi və xəbərdaredici robot”;
- Həcər Haqverdiyeva və Fazil Şahverdiyevin (hər ikisi 36 nömrəli məktəb) hazırladığı “Üz nahiyəsinin dəyişikliklərinə görə xəstəliyin diaqnostikası”;
- Aysel Məmmədovanın ( Milli Qəhrəman Polad Həşimov adına 28 nömrəli məktəb) hazırladığı “Əlil ev heyvanlarının protez ayaq hərəkətlərinin modelləşdirilməsi”;
- Nuranə Hacıyeva və İlhamə Nağızadənin ( hər ikisi 8 nömrəli məktəb) hazırladığı “Hündürmərtəbəli binalarda yanğınsöndürən xilasetmə robotu”;
- Elxan Həmidov (İstedad liseyi) və İman Zərbiyevin (29 nömrəli məktəb) hazırladığı “Su səthində və dərinliklərdə tullantıları toplayan "Qu quşu robotu” layihələri.
