Sumqayıt İcra Hakimiyyətinin başçısı Zakir Fərəcov qəbul imtahanlarında yüksək bal toplayan sumqayıtlı məzunlarlara görüşüb.
Görüşdə Təhsil Şöbəsinin müdiri Arzu Alızadə abituriyentlərin əldə etdiyi uğurlardan danışıb.
Ötən tədris ilində ali məktəblərə sənəd verən 2475 nəfərdən 1794-ü qəbul olunub. Onlardan 40 nəfəri 650-dən çox bal toplayıb. Ümumilikdə isə 150 nəfər 600-dən çox balla ali təhsil müəssisələrinə qəbul olunub.
Alızadə bildirib ki, 11 nömrəli məktəbin məzunu Əbil Şəfiyev I-ci ixtisas qrupunda ölkə üzrə ən yüksək nəticə göstərərək 697 bal toplayıb, 21 nömrəli məktəbin məzunu Fuad Quliyev isə III-cü ixtisas qrupu üzrə 680 bal toplayaraq ölkədə ən yüksək nəticə göstərib.
Həmçinin, Təbiət elmləri təmayüllü gimnaziya və Texniki və təbiət elmləri liseyinin məzunlarının 100%-i ali məktəbə qəbul olunub.
