Sumqayıtda 9-cu mikrorayon ərazisində yeni açılmış "Bravo" supermarketinin ətrafındakı yol yağış səbəbindən keçilməz olub.
Sumqayıt24-ə daxil olan məlumata əsasən, 27 sentyabr axşam saatlarında yağan leysan yağış supermarketin arxa tərəfində olan adsız yolda gölməçələr yaradıb. Gölməçələr "Bravo"nun avtomobil dayanacağının yanında olduğu üçün, oraya gələn müştərilər avtomobillərindən düşməkdə və yolu keçməkdə çətinlik çəkirlər.
Həmin yolda asfalt örtüyü də pis vəziyyətdə olması yolların bu hala düşməsinin əsas səbəblərindəndir.
