Sumqayıt şəhərinin 42-ci məhəlləsində yerləşən yataqxana qəzalı vəziyyətdədir. Bu barədə Avtosfer.az məlumat yayıb.
16 saylı yataqxananın sakinlərin dediyinə görə, istifadədə olan ayaqyolu və mətbəx yararsız hala düşüb və onu təmir etmək artıq mümkün deyil.
"Biz burada qorxa-qorxa yaşayırıq. Bina yavaş yavaş çökür. Birinci mərtəbənin hündürlüyü o dərəcə də aşağı düşüb ki, hətda balaca uşaq pəncərədən evə rahat girə bilir. Elektrik naqillər isə insanların həyatı üçün təhlükə yaradır",- deyə, sakinlərdən biri bildirib.
Məlumata əsasən, aidiyyəti qurumlar tərəfindən yataqxanaya baxış keçirilib. Hazırda ərazidə su və işıqla bağlı problemlərin aradan qaldırılması istiqamətində işlər aparılır.
