Sumqayıtda Məhəmməd Əsədov küçəsində ölümlə nəticələnən qəza baş verib. Bu haqda Report-a istinadən xəbər veririk.
Məlumata əsasən, yolu keçmək istəyən şəhər sakini, 70 yaşlı Tənzif Məmmədovanı “Opel Astra” markalı avtomobil vurub. Məmmədova ağır xəsarətlərlə xəstəxanaya yerləşdirilib. Lakin, bütün səylərə baxmayaraq qadın dünyasını dəyişib.
Avtomobilin sürücüsü Afiq Cəfərova qarşı Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan iki və daha çox şəxsin ölümünə səbəb olduqda” maddəsi ilə cinayət işi başlanılıb.
