Sumqayıt şəhərində polis əməkdaşları ictimai nəqliyyatda növbəti reyd keçiriblər. Bu barədə Trend bu gün məlumat yayıb.
Yoxlama zaman, tibbi maskadan istifadə etməyən bir neçə sərnişin və sürücü müəyyən edilib. Həmin şəxslər avtobuslardan düşürülüb və onlar barəsində inzibati tənbeh tədbiri görülüb.
Həmçinin, 2-ci doza vaksin qəbul etməyən taksi sürücüləri də saxlanılıblar. Onlar barəsində də İnzibati Xətalar Məcəlləsinin müvafiq maddəsi ilə tədbir görülüb.
28 oktyabr tarixində keçən reyd zamanı karantin qaydalarını pozan 39 sürücü və sərnişin barəsində inzibati protokol tərtib edilib.
