Sumqayıtda 15 sentyabr tarixindən keçiriləcək satıcı-kassir ixtisası üzrə ödənişsiz təlimə qeydiyyat başlayıb. "BACARIQLI OL" usta yanında öyrənmə proqramını Peşə Təhsili üzrə Dövlət Agentliyi və "Bazarstore" MMC birgə təşkil edir.
12 həftə davam edəcək təlimin nəzəri hissəsi Sumqayıt Dövlət Peşə Təhsil Mərkəzində, praktiki hissəsi isə "Bazarstore" MMC-nin mağazalar şəbəkəsində həftənin dörd günü keçiriləcək.
Kursu müvəffəqiyyətlə tamamlayan iştirakçılar Təhsil Nazirliyinin sertifikatını əldə edəcək və "Bazarstore" MMC-də işləmək imkanı qazanacaqlar.
Təlim müddətində iştirakçılar aylıq yol xərci, fərdi qəza sığortası, həmçinin uniforma və qida ilə təmin olunacaqlar.
Təlimdə yaşı 18-dən yuxarı olan vətəndaşlar istirak edə bilər. Həmçinin, onların kurs müddətində heç bir müəssisədə çalışmamaları və əyani təhsil almamaları şərtdir.
Qeydiyyat linki https://forms.office.com/r/mdh1b0TFLB 22 avqustadək aktivdir.
Ətraflı məlumat burada.
