“Sumqayıt-2” futbol klubunun oyununda insident yaşanıb. Sumqayıt24 bu barədə Futbolpress.az-a istinadən xəbər verir.
I Divizionun 24-cü turunda təmsilçimiz Binə qəsəbə stadionunda “MOİK”-in qonağı olub. Məlumata görə, matçın sonlarına yaxın tribunada xoşagəlməz hadisə baş verib.
Belə ki, polis əməkdaşları “MOİK” azarkeşini "səs-küy salması" səbəbindən tribunadan uzaqlaşdırıb. Azarkeş öncə tribunanı tərk etməyə etiraz etsə də, əməkdaşlar onu buna məcbur edib.
Qeyd edək ki, oyun meydan sahiblərinin 2:0 hesablı qələbəsi ilə bitib.
