Sumqayıtda 2 ildir ki itkin düşən ahıl kişi hələ də tapılmayıb.
Belə ki, “Xəzər bağlar” massivi sakini 84 yaşlı Yunis Hüseynov 31 yanvar 2020-ci ildən bəri axtarılır. O, həmin gün yaşadığı ünvandan çıxaraq bir daha geri qayıtmayıb. Onun yaddaş pozğunluğu olması ehtimal edilir.
Əlamətləri belədir: Boyu 165 sm., arıq bədən quruluşlu, ağbəniz, qısa ağ saçlı, gözləri qəhvəyi rənglidir.
Yunis Hüseynov evdən qara rəngli qış gödəkçəsi, göy cins şalvar, qəhvəyi rəngli pulover, başında qara papaq, ayağında qara ayaqqabı ilə çıxıb.
Şəkildə gördüyünüz şəxsi görənlərdən və barəsində məlumatı olanlardan DİN-in "102 - Zəng Mərkəzi”nə, həmçinin Sumqayıt Şəhər Polis İdarəsinə (+99418) 654-02-02 şəhər və (050) 210-31-40 mobil nömrələrinə zəng vuraraq məlumat vermələri xahiş olunur.
