Yay gəldi, istilər düşdü, Sumqayıtın köhnə problemi də özünü çatdırdı. Söhbət şəhərdaxili avtobuslarda kondisionerlərin qoşulmamasından gedir.
Şəhərin bəzi marşrutlarında avtoparklar yenilənib insanların xidmətinə “yeni” nəqliyyat vasitələri verilsə də, avtobusların içi od tutub yanır. İnsan yayın ən qızmar keçən aylarında yaranacaq vəziyyət barədə düşünmək belə istəmir.
Köhnə, sınıq-sökük maşınlarda anladıq…bəs, yeni kimi qələmə verilən avtobusların sistemində də nasazlıq var?
Sərnişinlər niyə bir udum hava almaq üçün nəfəsliyə doğru boylanmalı, yaxud istidən huşunu itirməmək üçün açıq qapının önündə toplaşmalıdırlar?
Ümid edirik ki, məsul qurumlar gec olmamış tədbir görərlər.
