Ceyranbatan qəsəbəsinin sakinləri Bakıya gedərkən nəqliyyat problemləri ilə üzləşirlər.
Sumqayit24.az-a müraciət edən vətəndaşlar bildiriblər ki, qəsəbədən paytaxta birbaşa marşrut xəttinin olmaması səbəbindən hər səhər Sumqayıtdan gələn avtobusları və ya “manatlıq” taksiləri gözləmək məcburiyyətində qalırlar.
“Ceyranbatanda minlərlə insan yaşayır. Onların çoxu Bakıda işləyir və ya təhsil alır. Niyə biz Sumqayıtdan gələn avtobusların ümidinə qalmalıyıq? Bəzən avtobuslar tam dolu gəlir, bəzən isə cəmi 1-2 yer olur. Minə bilməyənlər yarım saat da əlavə gözləməli olur və nəticədə işə, dərsə gecikirlər”, – deyə sakinlər şikayətləniblər.
Ceyranbatan əhalisi Saray qəsəbəsində olduğu kimi, paytaxta birbaşa marşrut xəttinin açılmasını tələb edir.
