Sumqayıtda məktəbəqədər təhsil müəssisəsində özbaşınalıq hökm sürür. Bu barədə Sumqayıt24-ə 21 dekabr tarixində xəbər daxil olub.
Söhbət 18-ci mikrorayonda yerləşən 63 nömrəli “Venera” körpələr evi - uşaq bağçasından gedir. Bağça 12 qrupdan ibarətdir və 220 nəfərlikdir.
Daxil olan məlumata əsasən, bir ilə yaxındır ki, bağçanın müdiri vəzifəsini Nigar Rzayeva icra edir. Rəhbərlik etdiyi bu müddət ərzində şərikçiləri - metodist Vəfa Seyidzadə və köməkçi İradə Hümmətovanın əlləri ilə ərzaq satılır, qrupa portaldan kənar (qanunsuz olaraq) əlavə uşaqlar qəbul olunur. Hər ay valideynlərdən hər uşağa görə 20 AZN fond pulu adı ilə məbləğ yığılır. Həmçinin övladlarının təhsil müəssisəsinə qəbulu üçün 500 AZN pul tələb olunur. Qruplarda 20 əvəzinə 30-a yaxın uşaq var.
Müdir pulu yığa bilməyən işçilərə qarşı müxtəlif təzyiqlər göstərir. Onları işdə axşama kimi saxlayır, işdən çıxaracağı ilə hədələyir.
Bununla bağlı səs yazıları və yazışmaları təqdim edirik.
[modula id="29132"]
