Sumqayıtda vəzifəli şəxs rüşvətə görə həbs edilib. Sumqayıt24 bu haqda 1 avqust tarixində Baş Prokurorluğa istinadən xəbər verir.
Korrupsiyaya qarşı Mübarizə Baş İdarəsində başlanan cinayət işinin istintaqı zamanı bir sıra vəzifəli şəxsin cinayət məsuliyyətinə cəlb edilməsi təmin olunub. Nəticədə, Saray qəsəbə bələdiyyəsinin sədri Məhi Həsənovun ardınca Sumqayıt şəhər bələdiyyəsinin şöbə müdiri Şıxəli Abbasov da saxlanılıb.
Həmin şəxslər və ƏMDX-nin Xaçmaz ərazi şöbəsinin müdiri Aydın Cəfərov, eləcə də Qəbələ ərazi şöbəsinin müdiri Baği Məsimov qabaqcadan əlbir olaraq qrup şəklində bələdiyyə torpaqlarının satışının həyata keçirilməsi ilə əlaqədar müvafiq rəy verilməsi müqabilində rüşvət almaqda təqsirləndirilirlər.
Hazırda iş üzrə istintaq davam edir.
