Sumqayıtda baytarlıqla məşğul olanlar üçün vergi əmsalı açıqlanıb. Sumqayıt24 bu haqda 20 iyun tarixində Report.az-a istinadən xəbər verir.
Belə ki, Azərbaycanda həmin fiziki şəxslər üçün sadələşdirilmiş vergi üzrə aylıq sabit məbləğ 20 manat müəyyən edilib. Şəhərimizdə isə bu məbləğin əmsalı 1,5 təşkil edəcək. Saray, Ceyranbatan və Novxanı qəsəbələrində isə həmin əmsal 1,0 olaraq müəyyən edilib.
Qeyd edək ki, bununla bağlı Vergilər Məcəlləsinə yeni maddə əlavə olunub. Qanun layihəsi bu gün Milli Məclisinin İqtisadi siyasət, sənaye və sahibkarlıq komitəsinin iclasında müzakirə olunacaq.
