Sumqayıtda təkərləri boşalmış halda hərəkət edən zibil maşını ilə bağlı rəsmi açıqlama verildi. Həmin maşınla bağlı videogörüntülər sosial şəbəkələrdə yayılmışdır. Sumqayıt24 bu barədə Oxu.az-a istinadən xəbər verir.
“Sumqayıt Şəhər Təmizlik Departamenti” MMC-nin direktoru Atəş Rüstəmov bu məsələ ilə bağlı açıqlamasında bilidirib ki, həmin video çəkilən an maşın təmirə gedirdi. O, bu vəziyyətə qəza səbəbindən düşüb. Belə ki, həddən artıq yükləndiyi üçün maşının hava yastıqlarında (pnevmatik asqı sistemində) nasazlıq yaranıb və arxa tərəfə hava getməyib. Nəticədə təkərlər bu vəziyyədə düşüb.
Rüstəmov qeyd edib ki, maşın artıq təmir olunub və xidmətdədir. Həmçinin, maşının üzərində dövlət nömrə nişanının olmaması da səhv məlumatdır. Sadəcə üzəri təmizlənmədiyindən videoda görünmür.
