Sumqayıt Dövlət Dram Teatrının repertuarında olan N.X.Andersenin “Şahzadənin ulduzu" tamaşasına bərpadan sonra daxili baxış keçirilib. Bu haqda Dram Teatrı məlumat yayıb.
Teatrın direktoru Mübariz Həmidov və baş rejissoru Firudin Məhərrəmov baxışdan sonra tamaşa haqda fikirlərini söyləyiblər. Qüsurlu epizodlar diqqətə çatdırılaraq tamaşanın məktəblilərə göstərilməsi məqbul sayılıb.
Tərtibatın quruluşu Nizami Dadaşova, musiqi tərtibatı Telman Qəniyevə, rəqslərin quruluşu isə Vüsal Mehrəliyevə məxsusdur. Tamaşanın quruluşçu rejissoru Vasif Məmmədovdur.
Rolları Dağlar Rüstəmov, İlqar İbrahimov, İradə Zeynalova, Sevda Hüseynova, Etibar Əmirov, Məryəm Hüseynli, Aynur Hümmətova, Elmir Mehdiyev, Ceyhun Məhərəmov və Ramazan Xanlarov canlandırırlar.
