Sumqayıt Dövlət Rəsm Qalereyasında memarlıq doktoru, professor Ənvər Qasımzadənin 110 illik yubileyi münasibətilə tədbir keçirilib. Bu haqda bu gün, 21 fevral tarixində Dövlət Rəsm Qalereyası məlumat yayıb.
Məlumata əsasən, tədbir iştirakçılarına Qasımzadənin həyat və yaradıcılığı haqqında məlumat verilib. Şagirdlər memarın layihələri əsasında inşa edilmiş binalarla tanış olublar.
Həmçinin Azərbaycan Elmlər Akademiyasının müxbir üzvü olmuş Qasımzadənin doğum günü ilə əlaqədar təşkil edilən tədbirdə ustad dərsi baş tutub.
