Sumqayıt Dövlət Universitetinin tələbəsi idmanda qazandığı uğura görə təltif edilib. Sumqayıt24 bu haqda universitetin rəsmi saytına istinadən xəbər verir.
Belə ki, paytaxtda yerləşən Heydər Əliyev adına İdman və Konsert Kompleksində 18 yaşdan yuxarı idmançılar arasında keçirilən “A.F.S.O Azerbaijan” Döyüş Liqasının “Submission” üzrə açıq birinciliyində 4-cü kurs tələbəsi Tahir Qurbanov (70 kq) 1-ci yeri tutub. Bu münasibətlə, liqanın prezidenti Asim İsmayılov idmançıya Fəxri fərman təqdim edib.
Qeyd edək, Peşəkar döyüşdə kəmər sahibi olan Qurbanov sambo üzrə I dərəcəli idmançı, eləcə də əlbəyaxa döyüş üzrə məşqçidir. Hazırda o, Fiziki tərbiyə və çağırışaqədərki hazırlıq müəllimliyi ixtisasında təhsil alır.
