Sumqayıt Dövlət Dram Teatrının baş rejissoru Firudin Məhərrəmovun quruluş verdiyi tamaşa Lerik Şəhər Mədəniyyət Mərkəzinin səhnəsində nümayiş edilib. Bu haqda bu gün, 19 fevral tarixndə AZƏRTAC məlumat yayıb.
18 fevral tarixində Lənkəran Dövlət Dram Teatrının truppası Lerikə qastrol səfəri edib. Burada dramaturq Cəfər Cabbarlının “Vəfalı Səriyyə və yaxud gözyaşı içində gülüş” tamaşası təqdim olunub.
Tamaşada mövcud inkişafa mane olan gerilik, mühafizəkar insanların çürük adətlərə sadiqliyi, pulun pozucu təsiri ədib tərəfindən cəsarətlə tənqid olunub.
Rollarda Aynur Əhmədova, Səyad Əliyev, Xalq artisti Qabil Quliyev, Əməkdar artist Sucəddin Mirzəyev, Qızılgül Quliyeva, Əbülfəz Axundov, Tərlan Abdullayev, Emin Fərzullayev, Miraslan Ağayev və Təranə Fərəcova çıxış ediblər.
Qeyd edək ki, Xalq artisti Firudin Məhərrəmovun “Varlı ev” tamaşası Lənkəran Dövlət Dram Teatrının səhnəsində nümayiş olunur.
