Eyni gündə şəhid olmuş 4 nəfər polis əməkdaşının Sumqayıtda xatirəsi yad edilib. Sumqayıt24 bu barədə 19 avqust tarixində Regional Mədəniyyət İdarəsinə istinadən xəbər verir.
Qubadlı Rayon nümayəndəliyi tərəfindən Q. İlyasov adına Qubadlı şəhər 1 nömrəli məktəbdə 18.08.1993-cü il tarixində şəhid olanlar - Kamal İsayev, İlqar Bayramov, Ziyəddin Paşayev və Habil Süleymanova həsr olunan tədbir keçirilib.
Burada şəhidlərimizin ailə üzvləri, yaxınları, İcra hakimiyyətinin məsul işçiləri, idarə, müəssisə, təşkilat rəhbərləri, Qubadlı rayon Polis şöbəsinin əməkdaşları, keçmiş polis işçiləri, eyni zamanda ictimaiyyət nümayəndələri iştirak ediblər. Çıxış edən İcra başçısının müavini Allahverdi Haqverdiyev, keçmiş polis işçisi, mayor Azim Abbasov, Cavid Bədəlov, Qubadlı rayon Polis İdarəsi rəisinin müavini polkovnik-leytenant İlham Rəsulov şəhidlərimizlə bağlı öz xatirələrini bölüşüblər.
Daha sonra söz şəhidlərimizin ailə üzvləri və yaxınlarına verilib.
Sonda Vasili Əliyev adına Rayon Mədəniyyət evi və Mahmudlu kənd Mədəniyyət evinin hazırladığı şeirlər və muğam parçaları səsləndirilib.
