Sumqayıt FHN-in işçiləri “Ən yaxşı bölmə” adı uğrunda baxış-müsabiqədə iştirak ediblər. Bu haqda 10 iyul tarixində Sumqayıt24 Fövqəladə Hallar Nazirliyinə (FHN) istinadən məlumat verir.
Ümummilli lider Heydər Əliyevin 100 illik yubileyinə həsr olunmuş müsabiqə FHN-in Dövlət Yanğından Mühafizə Xidmətinin təşkilatçılığı ilə baş tutub.
Sumqayıt və Bakı qarnizonlarına məxsus yanğından mühafizə hissələrinin (YMH) yanğından mühafizə bölmələri (YMB) arasında keçirilən baxış-müsabiqədə ümumilikdə 29 komandada 203 əməkdaş iştirak edib.
Müsabiqənin yekununda Nəsimi rayon YMH-nin 19 nömrəli YMB 1-ci yeri, Binəqədi rayon YMH-nin 2 nömrəli YMB 2-ci yeri, Binəqədi rayon YMH-nin 3 nömrəli YMB isə 3-cü yeri tutub.
Qaliblərə kubok və diplom təqdim edilib.
