Sumqayıtda “Çempionumuz layihəsi” çərçivəsində beynəlxalq dərəcəli qrossmeyster Zeynəb Məmmədyarova ilə görüş təşkil olunacaq. Bu haqda şəhərin Gənclər və İdman Baş İdarəsi məlumat yayıb.
Görüş 17 dekabr, saat 12:00-da 11 saylı tam orta məktəbdə baş tutacaq. Burada, iştirakçılar şahmat ustasına suallar ünvanlaya və onunla həmsöhbət ola biləcəklər.
Qeyd edək ki, 18 yaşadək qızlar arasında Dünya Birinciliyinin qalibi, 20 yaşadək qızlar arasında Avropa Birinciliyinin qızıl mükafatçısı Zeynəb Şəhriyar Məmmədyarovun bacısıdır.
