Xəbər verdiyimiz kimi, velosiped həvəskarları olan Sumqayıt gəncləri şəhər ərazisində onlar üçün xüsusi bir yerin olmadığından, insanlar tərəfindən hobbilərinə görə tənqidə məruz qaldıqlarından şikayət edirlər.
Sumqayıt Şəhər İcra Hakimiyyəti məsələ ilə bağlı Sumqayit24.az-a açıqlama verib. Qurumdan bildirilib ki, son illərdə şəhər ərazisində velosiped yollarının salınması istiqamətində mühüm addımlar atılıb, müxtəlif marşrutlar üzrə bu infrastruktur mərhələli şəkildə genişləndirilməkdədir:
“Bu, həm alternativ nəqliyyat vasitələrinin istifadəsinə təşviq, həm də idmanın kütləviləşdirilməsi baxımından önəmli addımdır.
Müzakirə olunan məsələ, səsləndirilən fikirlər Sumqayıt Şəhər İcra Hakimiyyətinin diqqətindədir. Həm gənclərin inkişafına şərait yaradılması, həm də ictimai təhlükəsizliyin təmin olunması məqsədilə aidiyyəti qurumlarla birgə məsələnin araşdırılması və müvafiq tədbirlərin görülməsi nəzərdə tutulur”.
